පතා ආ ලෙස මේ භවේ
ඔබේ සිත ළග වැතිර සැතපෙම්
ඇවිද යන්නට දිවි මගේ
ලියූ කවි ගී සසර පෙරදා
පුරුදු ලෙංගතු තනුව වයලා
දිනෙක ඔබ මා අපේ පෙම්ලොව
ජීවිතේ හැඩ කිරුළු පළදා
නොමියෙනා සිත මියෙන දිවියේ
රැගෙන දෝතින් ඔබේ නාමෙන්
පතා එන්නම් එක්ව යන්නට
චන්නකින්නර ආදරේ
නිවන් දකිනා ජාතී මතු දා
නුඹට විවරන සිතින් පතලා
පතිනියක වී ඔබේ කුළගෙයි
සෙනේ විදිනට හීන දකිනා
නොවෙම් කුමරිය මනමේ හැඩ කළ
සද කිදුරි මම නුඹේ හුස්මට
රකිමි නුඹ මම මගේ හිමිසද
ලොවම හැඩ කළ නුඹයි ඉර සද
දිවිය හැරදා ඉගිල යනදා
එක්ව එන්නම් ඔබේ සිත හා
සසර සමුදුර එතෙර වනදා
සිතින් සැනසෙම් කවුළු හැරදා
වැහිලිහිනි...
No comments:
Post a Comment